මෙදා සිංහල අවුරුද්දට කට පරිස්සම් කරගන්න

ළඟ ළගම එන අවුරුද්දට හැමදෙනාම ලහි ලහියේ සූදනම් වෙන්නේ නැවුම් බලාපොරොත්තු ගොඩක් සමඟින්. විශේෂයෙන්ම අවූරුදු කැවිලි මේසේ පිරෙන්නම කැවිලි සූදානම් කරන්න අපේ අය අමතක කරන්නේ නෑ. ගෙදරිනුත් කැවිලි කාල නෑගම් ගිහින් යන හැම ගෙදරකිනුත් කැවිලි කන එකත් චාරිත්‍රානුකූලවම සිදු කරනවා. මේ දිනවල ඉතින් දියවැඩියා රෝගීන්, කොලෙස්ටරෝල් රෝගීන්ට තම රෝග පවා අමතක වෙනවා කැවිලි දකිද්දි. මේ මාසේ විතරනේ ඔන්න ඊළඟ මාසෙ ඉඳන්නම් කෑම පාලනය කරනවා කියලා තමන්ගේ හිතටම බොහෝ දෙනා පවසනවා.

විශේෂයෙන්ම අවුරුදු සමයේ ඔයාගේ බඩට වැඩිපුරම යන්නේ තෙල්, සීනි ,පිටි. මේවා අධික ලෙස පරිභෝජනය ඇත්තෙන්ම ඔබගේ සෞඛ්‍යට හානි කරයි. අන්න ඒ නිසයි කට පරිස්සමින් මෙදා අවුරුද්ද ඔබ ගත කල යුත්තේ. 

ඉතින් මේ අවුරුදු සමයේ කොහොමද ඔබ කට පරිස්සම් කරගෙන අවුරුදුත් කාගෙන සෞඛ්‍ය සම්පන්නව ඉන්නේ කියලා අපි බලමු. 

මුලින්ම මේ කාලයේ වෙනදාටත් වඩා ජලය පානය කරන්න හුරුවෙන්න. එවිට ඔබගන්නා ආහාර බොහොමයක හානිදායක සංගටක ඔබගේ සිරුරෙන් බැහැර කර ගැනීමට පහසු වනු ඇත.

ඊළට ගොඩක් දෙනෙක්ට එන ගැටලුව තමා “කොහොමද ඉතින් නෑ ගෙදරකට ගිහාම මුකුත් නොකා ඉන්නේ. එහෙම හරි නෑනේ. එයාලා අපි ගැන මොනවා හිතයිද“  මුලින්ම මෙහෙම දෙයක් කියන්න ඕනා අනිත් අය ඔයා ගැන හිතන දේ හිතන්න කලින් ඔයා ඔයා ගැන හිතන්න, ඔයා ඔයාව බලාගන්න ඕනා. මුලින්ම ඔයා නිවසේ ඉන්නා විට පැණිරස, කැවිලි වර්ග කන එක නවත්වන්න. ඒක ඔයාට පහසුවෙන්ම කරන්න පුලුවන් දෙයක් මොකද එතනදී කවුරුත් ඔයාට මුකුත් කියන්නේත් නෑ ඔයා කනවද නැද්ද කියලා බලන්නෙත් නෑ. ඊළඟට නෑ ගෙදරකට ගිහාම ළඟට ගේන හැම කැවිලි වර්ගයක්ම කාලා ඉවර කිරීමේ වගකීම ඔයා ගන්න යන්න එපා. අනිත්දේ තමා මුලින්ම එයාලට කියන්න ඔයාට සීනි නොදා තේකක් හදන්න කියලා. එයාලා එහෙම කිව්ව කියලා අහිතක් හිතන්නේ නෑ. අන්න එත්කොට ඔයාට පුලුවන් කැමති එක් කැවිලි වර්ගයක් සමඟ තේකක් සීනි නොදා බොන්න. එවිට ඔයාගේ සිරුරට ඇතුල් වන සීනි ප්‍රමාණයත් තරමක් පාලනය වනවා.

ඉතින් මේ දිනවල හොඳට කාලා නිදාගන්නවා කියන ආකල්පයෙන් බැහැරව පොඩ්ඩක් ව්‍යායාම ටිකක් කරන්න. අඩුම තරමේ අවුරු ක්‍රීඩාවලටවත් සම්බන්ධවෙන්න. මොකද ශාරීරිකව ඔයා ක්‍රියාකාරී වන තරමට ඔයාට  ඔයාගේ ශරීරයේ තැන්පත් වන අධික මේද ප්‍රමාණය දහනය කර ගත හැක. පුළුවන්නම් ලඟපාත තියෙන නෑදෑ ගෙවල් වලට පයින්ම යන්න උත්සාහ කරන්න. 

මේ දිනවල බෝහෝ ගෙවල් වල පානයට ඇත්තේ කෝඩියල් වැනි පැණිරසින් අධික බීම වර්ගයි. ඒ වෙනුවට ඔයා පොඩි වෙනසක් කරන්න. ඔයාගේ නිවසට එන උදවියට රණවරා කෝප්පයක්, බෙලිමල් , ඉරමුසු, කරපිංචා තේ වැනි ඖෂදීය පානයක් සකසා දෙන්න. එවිට ඔය ලේවල තියන සීනී, තෙල් හා අනෙකුත් විෂ නසා ප්‍රබෝධවත්ව අන් අය සමඟ සුහද පිළිසඳරකද යෙදිය හැක. 

ඉතින් මෙදා අවුරුද්දේ පෙර ඔබ ගතකල රටාවෙන් මිදී අලුත් පුරුදු සමඟ අලුත් අවුරුද්දට  පාතබන්න 

✍️ පෝෂණවේදී මධුශාන් ඇතුගල 

වයසට යාම ප්‍රමාද කරවන Dark Chocolate

ගොඩක් දෙනෙක් Dark Chocolate කෑමට අකමැත්තක් දක්වන්නේ එහි එන තරමක් තිත්ත රසය නිසා. නමුත් ඉන් ලැබෙන සෞඛ්‍යමය වාසි ගැන ඔබ දැනගතොත් නම් ඔබේ තීරණය වෙනස් වනු ඇත.

1. Antioxidants වලින් පොහොසත් වීම

 Dark Chocolate වල අන්තර්ගත Flavonoids වැනි Antioxidants මඟින් අපගේ සිරුරේ පවතින Free Radicals උදාසීන කරනවා. Free Radicals කියන්නේ අපගේ සිරුරේ සෛල වලට හානි පමුණුවන රසායනිකය. මෙම Free Radicals සිරුරේ ආසාදනයන්ට, පිළිකාමය තත්වයන්ට වගේම හෘදයාබාධ සඳහාද කාරක වශයෙන් ක්‍රියාකරනවා. එබැවින් Dark Chocolate වල අන්තර් ගත Antioxidant මඟින් එම Free Radicals උදාසීන කරන්නු ලැබෙනවා.

2. හෘදයේ නීරෝගී බවට

 Dark Chocolate  වල ඇති ෆ්ලේවනොයිඩ් රුධිර ප්‍රවාහය වැඩි දියුණු කිරීමට, රුධිර පීඩනය අඩු කිරීමට සහ රුධිර වාහිනී ලිහිල් කිරීමට සහ ප්‍රසාරණය කිරීමට හේතු වන නයිට්‍රික් ඔක්සයිඩ් මට්ටම වැඩි කිරීමෙන් හෘද රෝග අවදානම අඩු කිරීමට උපකාරී වේ. අධ්‍යයනවලින් හෙළි වී ඇත්තේ Dark Chocolate මධ්‍යස්ථව පරිභෝජනය කිරීමෙන් එච්ඪ්ළ් (හොඳ) කොලෙස්ටරෝල් වැඩි කිරීමෙන් සහ ළ්ඪ්ළ් (නරක) කොලෙස්ටරෝල් අඩු කිරීමෙන් කොලෙස්ටරෝල් මට්ටම වැඩි දියුණු කළ හැකි බවයි.

3. මොළයේ ක්‍රියාකාරිත්වය වැඩි දියුණු කරයි

 Dark Chocolate  වල ඇති සංයෝග මොළයේ ක්‍රියාකාරිත්වය වැඩි දියුණු කරන බව ද පෙන්වා දී ඇත.  Dark Chocolate  වල ඇති ෆ්ලේවනොයිඩ් මොළය දෙසට රුධිර ප්‍රවාහය වැඩි දියුණු කරන අතර එමඟින් සංජානන ක්‍රියාකාරිත්වය, මතකය සහ ඉගෙනීම වැඩි දියුණු වේ. Dark Chocolate වල කැෆේන් සහ තියෝබ්‍රොමින් ද අඩංගු වන අතර, මේ දෙකම මඟින් මෘදු මානසික උත්තේජනයක් ලබා දිය හැකි අතර අවධානය සහ අවදියෙන් සිටීම වැඩි දියුණු කළ හැකිය.

4. Mood Fix කිරීම

ඔබට දුකක් දැනෙනවා නම්, කුඩා Dark Chocolate කැබැල්ලකට ඔබේ ආත්මයම ඔසවා තැබිය හැකි බව කතාවට කියනවා. Dark Chocolate මඟින් මොළය උත්තේජනය කර “හොඳ හැඟීමක් ඇති කරන“ හෝමෝන වන එන්ඩොර්ෆින් මුදා හරියි. එමෙන්ම එහි ඔබේ Mood Fix කර ආතතිය සමනය කිරීමට උපකාරී වන ස්නායු සම්ප්‍රේෂකයක් වන සෙරොටොනින් ද අඩංගු වේ.

5. Skin Health එක වැඩි දියුණු කරයි

විශ්වාස කළත් නැතත්, Dark Chocolate  ඔබේ සමට හොඳයි.  Dark Chocolate වල ඇති ෆ්ලේවනොයිඩ් හිරු එළියෙන් සිදුවන හානියෙන් සම ආරක්ෂා කිරීමට, සමට රුධිර ප්‍රවාහය වැඩි දියුණු කිරීමට සහ සජලනය වැඩි කිරීමට උපකාරී වේ.  Dark Chocolate පරිභෝජනය කිරීමෙන් ඔබේ සම තරුණ හා සෞඛ්‍ය සම්පන්නව තබා ගැනීමට උපකාරී වන අතර, සමහර අධ්‍යයනවලින් පෙනී යන්නේ එයට සම රැළි වැටීම පවා අඩු කළ හැකි බවයි. 

ඉතින් Dark Chocolate කියන්නේ සෞඛ්‍ය ප්‍රතිලාභ රැසක් ලබා දෙන පෝෂ්‍ය පදාර්ථ වලින් පිරුණු සුපිරි ආහාරයක්. ඉතින් ඔබත් Dark Chocolate කැබැල්ලක් රසවිඳින ගමන් එහි සෞඛ්‍ය ප්‍රතිලාභත් භුක්ති විඳින්න! 

ඔයා මෙච්චර කල් කෑවේ ඇත්තම චොකොලට් ද?

 

චොකලට් නම මතක් වෙනකොටත් කටට කෙල උනනවා නේද? අපි කවුරුත් ලොකු කුඩා භේදයකින් තොරව චොකලට් වලට පෙරේතයි. හැබැයි ඔබ ඔය රස කර කර කන්නේ ඇත්තම චොකලට් ද කියල හොයලා බැලුවද?

චොකොලට් වල ප්‍රධාන අන්තර්ගතය ලෙස කොකෝවා බටර් තිබිය යුතුයි. හැබැයි සමහර චොකලට් කියා හඳුන්වන ඒවාගේ කොකෝවා බටර් අඩංගු වෙන්නේ නෑ. කොකෝවා බටර් අඩංගු නොවන ආහාර චොකොලට් ලෙස නම් කරන්නත් බෑ. අන්න ඒ නිසා ඒවා “ චොකෝ, චොක්ස්“ වගේ වෙනත් නම් වලින් තමා ලේබල් කරලා වෙළඳපොළට එන්නේ. එතකොට මේ අපි සඳහන් කල කොකෝවා බටර් මිළෙන් වැඩියි. ඒ නිසා තමා කොකෝවා බටර් අන්තර් ගත චොකොලට් මිලෙන් සාපේෂව අධික වන්නේ. ඒ කියන්නේ එකම බරින් යුතු “චොකෝ“ එකකට වඩා “චොකලට්“ එකක් මිළෙන් වැඩියි. 

ඔයාගේ ආදරණීයන් සමඟ බෙදා හදා ගන්නේ ඇත්තෙම චොකලට්ද කියා මින් පසුවවත් දවටනය හොඳින් බලා මිලදී ගන්න උත්සාහ කරන්න. 

පෝෂණවේදී මධුශාන් ඇතුගල

අන්ත්‍ර පිළිකා ගැන දත යුතු මන්ත්‍රය

ඔබ දන්නවාද ලොව පිළිකා අතර තුන්වන ස්ථානය උසුළන්නේ මහා අන්ත්‍ර හා ගුදමාර්ග පිළිකා බව. මෙය ලෝකයේ විතරක් නෙවේ ලංකාවේද පුද්ගලයින්ට වැළදෙන පිළිකා අතරින් තුන්වන ස්ථානයට පත්වන තිබෙනවා. පිරිමින් 23 කින් එක් අයෙකුටද, කාන්තාවන් 26 කින් එක් අයෙකුටද මෙම රෝගය වැළඳීමේ අවධානම තිබෙනවා. පිළිකාව කියූ සැනින් අප බොහෝ දෙනා බියට පත්වන බව සෑබෑවක්. තවද වර්තමානයේ පිළිකාමය රෝගී තත්වයන් සීග්‍රලෙස පැතීරී යන්නේ සිතා ගැනීමටවත් නොහැකි තරමේ වෙගයකින්. කෙසේ වෙතත් නිවැරදි ජීවණ පුරුදු මඟින් මෙම අවධානම අඩු කරගත හැකි අතර කල්තියා හඳුනා ගැනීමෙන් සම්පූර්ණ සුවය ලබා ගැනීමටද හැකිවේ. එබැවින් අද අපි මේ සම්බන්ධව තතු විමසා බලමු.

මෙවැනි අන්ත්‍ර පිළිකා සඳහා ප්‍රධාන වශයෙන් හේතුවන්නේ රතුමස් හා සකස් කරන ලද මස් වර්ගයි. මේවා මානව පිළිකාකාරක වශයෙන් ලෝක සෞඛ්‍ය සංවිධානය හඳුන්වා දී තිබෙනවා. රතු මස් ලෙස ගව මස්, ඌරු මස්, බැටලු මස් ආදිය අයත් වන අතර සකස් කරන ලද මස් වර්ග ලෙස සොසේජස්, හැම්, බේකන් ආදිය හඳුන්වාදිය හැක. 

මීට අමතරව ශාරීරික අක්‍රීය බව. එනම් ව්‍යායාම මදිකම මෙන්ම ස්ථූල බව ද මෙම පිළිකා අවදානමට හේතු වනවා. සාමාණ්‍යයෙන් දිනකට පැය භාගය බැඟින් සතියකට දින 5ක් පමණ ව්‍යායාම වල නිරත වීමෙන් ඔබගේ නිරෝගී බව වර්ධනය කරගත හැකිවනු ඇත.

තවද දුම්පානය, මත් පැන් පානය, දියවැඩියාව වැනි තත්වයන් මහාඅන්ත්‍ර පිළිකා අවධානව ඉහළ දමනු ඇත. 

මෙහි රෝග ලක්ෂණ ලෙස ප්‍රධාන වශයෙන් මළපහ සමග රුධිරය පිටවීම, මළපහ කිරීමේ පුරුදු වල වෙනස්කම් ආදිය හඳුන්වා දිය හැක. කෙසේ වෙතත් කල්තියා හඳුනා ගැනීමෙන් මෙම රෝගී තත්වය සම්පූර්ණයෙන් සුවකල හැකිවේ.

ඔව් ජීවිතේ කියන්නේම ප්‍රශ්න පත්‍රයක්

 

මේ දවස්වල එක දිගට තරුණ සියදිවි නසා ගැනීම් කීපයක්ම අසන්නට ලැබුනු නිසා මනෝවිද්‍යාව හදාරපු කෙනෙක් වශයෙන් යමක් පැවසිය යුතුම බව සිතුනා. මුලින්ම පැවසිය යුතුයි ජීවිතයෙන් පැනයාම කිසිසේත්ම විකල්පයක් නොවන බව. මේ ලෝකේ ඕනම කෙනෙක්ට යම් යම් කාල වලදී ප්‍රශ්න වලට මුහුණ දීමට සිදුවෙන එක ලෝක ස්වභාවයයි. ඒ නිසා ඔයා ඉන්නේ මානසික පීඩනයක නම් ඔබ උපරිම උත්සාහකල යුතුයි ඔබගේ සිතුවිලි රටාව වෙනස් කර ගැනීමට. මේ සඳහා ඔබට මනෝඋපදේශකයෙකුගේ උපකාරය ලබා ගත හැක. ඔබගේ සිතේ තිබෙන පීඩාකාරී තත්වයන්ට සහනයක් ලබා ගැනීමට පහත පියවරයන් අනුගමනය කල හැක. 🟠හැකි සෑම විටම හුදකලා වීමෙන් වැළකී ඔබ ළඟම හිතවතුන් පිරිසක් ඇසුරු කරන්න. 🟠ඔබගේ හිතේ තිබෙන වේදනාව ඔබට විශ්වාසනීය පුද්ගලයෙකුට හෝ මනෝඋපදේශකයෙකුට පවසන්න. එය ඔබට සහනයක් ගෙන දෙනු ඇත. 🟠ඔබට පහසු ව්‍යායාම කීපයක් දිනකට කිරීමට උත්සාහ කරන්න. ව්‍යායාම කිරීම ම්ඟින් සිරුරේ ඩොපමීන් නම් හෝමෝන ස්‍රාවය උත්තේජනය කරයි. ඩෝපමින් සතුටට හේතුවන හෝමෝනයකි ( Happy Hormones) 🟠මියුරු සංගීතයකට සවන් දීමෙන්ද ඔබගේ සිත සන්සුන් කර ගත හැක. 🟠Doodle Art පාට කිරීමත් ඔබගේ මනසට සන්සුන් බවක් ලබා දෙනු ඇත. මේ සඳහා අන්තර්ජාලයෙන් Doodle Arts ලෙස Type කර රූප සටහන් නොමිලයේම Download කර ලැබෙන රූප සටහන් Print කර ගත හැක. මනසේ සාමාන්‍ය ස්වභාවය තමයි දරුණු වේදනාවකින් අනතුරුව අවම මාස 6 කට පසුව ක්‍රමානුකූලව වේදනාව පහව යාම. නමුත් ඇතැමුන්ට එය කාංසාව හෝ ව්ෂාදය වැනි තත්වයන් කරා ගෙනයනු ඇත. කෙසේ වෙතත් ඔබට යම් අවස්ථාවකදී ජීවිතයෙන් පැනයාමට තරම් මානසික අවපීඩනයක් ඇති වුවහොත් මෙම අංක වලට වහාම අමතන්න. 1333, 1926 . දවසේ ඕනෑම වෙලාවක ඔවුන් ඔබට සහය දක්වනු ඇත. නැවතත් ජීවිතය කියන්නේම ප්‍රශ්න පත්‍රයක්. ඉතින් මේ ප්‍රශ්න වලට පිළිතුරු එකින් එක සපයමින් ජීවිතේ ඉස්සරට රැගෙන යමු. 🧡💪ඔබට ජය

එන්න අපි valentine සමරමු

ඔයාට කෙනෙක් හිටියත් නැතත් ඔයා ඔයත් එක්කම අද පටන් මෙහෙම valentine සමරන්න. ඔයාට ලබුණු මේ ජීවිතයට මුලින්ම ස්තූතිවන්ත වන්න. උදේ අවදි වූ ගමන්ම වතුර වීදුරුවක් පානය කර දවස අරඹන්න. දවසට අවම ජලය ලීටර 2 ක් ඔයා ගන්න ඕන. එය ඔබේ සිරුරේ සජලතාව නිසි ලෙස පවත්වාගෙන පරිවෘතීය ක්‍රියාවලියට උපකාර වෙනුඇත. අද ඉඳන් සීනි කෑම නම් නවත්තන්න. සීනි කියන්නේ අපට අනවශ්‍ය දෙයක්. ඔයාත් කටපුරා පිටිගුලි ගිලින, ඇඹලයෙක් වගේ සීනිම හොයන, ලබ්බ තිබ්බා වගේ ඇඟ වෙහෙසන්නේ නැතිව ඉන්න කෙනෙක්නම් ඊළඟ වැලන්ටයින් සමරන්න වෙන්නේ Hospital Bed එකක ඉඳන් වෙන්න පුළුවන්. වෙන කෙනෙක්ට ආදර කරන්න කලියෙන් තමන් තමන්ට ආදරය කරන්න පටන් ගන්න. තමන්ගේ නීරෝහීකම උදෙසා වැඩකටයුතු කරන්න. පෝෂදායී ආහාර රටාවකට නැඹුරු වෙන ගමන්ම ව්‍යායාම කරන්නත් අමතක කරන්න එපා. වැඩිය ඕනෙ නෑ අඩුම දවසකට මිනිත්තු 20 ක් ඒ සඳහා වෙන් කරන්න. මේ දේවල් හරියට කරොත් දැන් ඇන්ටි කෙනෙක් අන්කල් කෙනෙක් වගේ ඉන්න ඔයාගේ පෙනුම ඊළඟ වැලන්ටයින් එක එනකොට හැඩකාර විසේකාර කොල්ලෙක්/කෙල්ලෙක් ගේ පෙනුම ගන්නවා සත්තයි.මෙතෙක් කල් ඔයාගේ ජීවිතයේ තිබ්බ සුපුරුදු පුරුදු රටාව කඩා දමා අලුත් පුරුදු ජීවිතයට එකතු කරගන්න අද පටන් සිතට ගන්න. එහෙනම් Happy valentine එකක් වේවා!

ඔයාත් මේක TEST කරාද?

 

මෑත දශකයේ වැඩි වශයෙන් අපට දියවැඩියා රෝගීන් මුණගැසෙනවා. අතීතයේ නම් බොහෝවිට අවුරුදු 35ක් ඉක්මවූ පුද්ගලයින් දියවැඩියා රෝගීන් ලෙස හමුවූවත් වර්තතමානයේ අවු 15 -20 කුඩා දරුවන් පවා දියවැඩියා රෝගයෙන් පිඩාවිඳිනවා. මීට ප්‍රාධානම හේතුව ලෙස දක්නට ලැබෙන්නේ වැරදි ආහාර රටා හා සෞඛ්‍ය පුරුදු. 

ප්‍රධාන වශයෙන් දියවැඩියාව  Type 1 Diabetes, Type 2 Diabetes, Gastational Diabetes ලෙස වර්ග කර දැක්විය හැක. මින් සුලභව දැක්නට ලැබෙන්නේ Type 2 අවස්තාවයි. මිනිස් ශරීරයේ පවතින හැම රසායනිකයක්ම ඊට අනුරූප නිශ්චිත මට්ටම්කින් පැවතිය යුතුයි. විශේෂයෙන්ම අපේ රුධිරයේ ග්ලූකෝස්මට්ටම යාමනය කරන්නේ ඉන්සියුලෙන් හා ග්ලූකෝගන් යන හෝමෝනයි. රුධිරයේ සීනි මට්ටම සාමාන්‍ය අගයට වඩා වැඩි වූ විය ඉන්සියුලින් මඟින් ද සාමාන්‍ය අගයට වඩා අඩුවූ විට ග්ලූකෝගන් මඟින්ද යාමනය කරනු ලබනවා. නීරාහාර රුධිරයේ සීනි මට්ටම 126 mg/dl ට වඩා වැඩි නම් අප Diabetes තත්වය ලෙස හඳුන්වනු ලබනවා.

ඔබ අධික තරබාරු, ආහාර ගැන වැඩි සැලකිල්ලක් නොදක්වන, Physicaly Inactive කෙනෙක්නම් රුධිර සීනි පරීක්ෂාවක් කරගැනීම ඉතාමත් වටිනවා. කෙසේ වෙතත් දියවැඩියාව සෑදීමට පෙර එය වළක්වා ගැනීමට ඔබ අදිටන් කරගත යුතුයි. 

මේ සම්බන්ධව ඔබව වැඩිදුරටත් දැනුවත් කීරීමට ඉදිරියේදී මා සූදානමින් සිටිනවා. 

එතෙක් ඔබට සුවැති දිවියක් !!